തീക്കട്ടയില് ഉറുമ്പരിക്കുമോ? ഇക്കാലത്ത് അതും നടക്കുമെന്നാണ് ഇപ്പോള് ശാസ്ത്ര ലോകത്തും പുറത്തും നടക്കുന്ന ഒരു ചൂടേറിയ ചര്ച്ച സൂചിപ്പിക്കുന്നത്. ഇക്കഴിഞ്ഞ ഏപ്രില് 24 ന് നാസയുടെ 'സോളാര് ആന്ഡ് ഹീലിയോസ്ഫെറിക് ഒബ്സര്േവറ്ററി'യുടെ ക്യാമറയില് പതിഞ്ഞ ഒരു ദൃശ്യമാണ് ചര്ച്ചാവിഷയം.
സൂര്യന്റെ ഉപരിതലത്തിനോട് അടുത്ത്, ബഹിരാകാശവാഹനം എന്ന് തോന്നിപ്പിക്കുന്ന ഒരു വസ്തുവിന്റെ ചിത്രം നാസയുടെ ക്യാമറയില് പതിഞ്ഞതാണ് ചര്ച്ചകള്ക്കും ഊഹാപോഹങ്ങള്ക്കും വഴിവച്ചത്. സൂര്യന് അടുത്ത് ഒരു കൃത്രിമ വസ്തുവോ? 9,900 ഫാരന്ഹീറ്റില് ജ്വലിക്കുന്ന സൂര്യതാപത്തെ അതിജീവിക്കാന് തക്ക ഒരു കണ്ടുപിടുത്തം ഈ ബ്രഹ്മാണ്ഡത്തില് നടന്നോ? ആരായിരിക്കും ഇതിനു പിന്നില്? തുടങ്ങി അനേകം ചോദ്യങ്ങളാണ് ഈ ചിത്രത്തെ ചൊല്ലി ഉയരുന്നത്.
ഏകദേശം ഒരു സ്പേസ് ക്രാഫ്റ്റിനെപ്പോലെയാണ് ഈ രൂപമെന്ന് ചിലര് വാദിക്കുന്നു. എന്തായാലും അന്യഗ്രഹ ജീവികള് സഞ്ചരിക്കുന്ന പറക്കും തളികയാണിതെന്ന് വിശ്വസിക്കാനാണ് ഭൂരിഭാഗം ആളുകളും ഇഷ്ടപ്പെടുന്നത്!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ