അബുദാബി : അബുദാബി തുറമുഖത്തിന് സമീപത്തെ വെയര്ഹൗസില് വന് തീപ്പിടുത്തം. പ്രമുഖ വ്യാപാര സ്ഥാപനങ്ങളുടെ നാലു വെയര്ഹൗസു കളാണ് വ്യാഴാഴ്ച കത്തി നശിച്ചത്. അഗ്നിശമന സേനാ വിഭാഗവും പോലീസ് സേനയും സജീവമായി രംഗത്തു വന്നത് കൊണ്ട് മറ്റു വെയര്ഹൗസു കളിലേക്ക് തീ പടര്ന്നില്ല. മിനാ തുറമുഖത്ത് നൂറുകണക്കിന് വെയര്ഹൗസുകള് ഉണ്ട്. ഇവയ്ക്കിടയിലെ ഇലക്ട്രിക്കല് ഉപകരണങ്ങള് സൂക്ഷിച്ചിട്ടുള്ള വെയര്ഹൗസു കള്ക്കാണ് തീപിടിച്ചത്.
വ്യാഴാഴ്ച ഉച്ച വരെ പുക നിറഞ്ഞു മിനാ ഭാഗം പൂര്ണ്ണമായും ഇരുണ്ടു കിടക്കുന്നു. പോര്ട്ടി ലേക്കുള്ള റോഡുകള് എല്ലാം അടച്ചു. പുക ശ്വസിച്ച് മൂന്നു പേരെ ആശുപത്രിയില് പ്രവേശിപ്പിച്ചു എന്ന് ഗള്ഫ് ന്യൂസ് റിപ്പോര്ട്ട് ചെയ്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ